டிண்டிங்ஸ் இந்தியர் சங்க தீர்மானங்கள்

அரசாங்க சார்பற்ற இயக்கங்களும் சமுதாய தலைவர்களும் இணைந்து டிண்டிங்ஸ் இந்திய சங்க நிலப்பிரச்சனை குறித்த விவரங்களை மக்களுடன் கலந்தாலோசிக்க கூட்டம் ஒன்றினை சித்தியவான் காந்தி மண்டபத்தில் ஏற்பாடு செய்தது. இரண்டு ஹெக்டர் நிலப்பரப்பை கொண்ட இந்நிலத்தை மத்திய அரசாங்கம் தன்வசப்படுத்திக்கொள்ளும் திட்டத்தை பற்றி பேசப்பட்டது.



கலந்து கொண்ட அணைத்து பொது மக்களும் மற்றும் பொது இயக்கங்களும் மத்திய அரசாங்கத்தின் திட்டத்தை முற்றாக எதிர்த்து குரல் கொடுத்தது மட்டுமல்லாமல் அவர்களின் அதிருப்தியையும் தெரிவித்தனர். இக்கூட்டத்தில் சுமார் நூற்றுக்கும் மேற்பட்ட உணர்வுள்ள இந்திய மக்கள்கள் கலந்துகொண்டு கருத்து பறிமாறினர்.

மு.குலசேகரன் தனது கருத்தை வந்தவர்களிடம் அறிவிக்கிறார்

இந்த கலந்துரையாடலில் ஈப்போ பாராட் நாடாளுமன்ற உறுப்பினர் மு.குலசேகரன் வந்திருந்த மக்களிடம் தனது நிலைபாட்டினை உறுதி அளித்தார். மத்திய அரசாங்கத்தின் திட்டம் ஒரு தேவையற்ற சூழ்நிலையை ஏற்படுத்தியுள்ளது. எதற்காக இந்தியர்களின் சொந்த சொத்தை பாதுகாக்க இந்தியர்கள் போராட வேண்டிய நிலை உருவாகிறது? ஏழைகளின் சொத்தை பாது காப்பது அரசாங்கத்தின் கடமை இல்லையா?இந்தியர்களின் பாதுகாப்பற்ற நிலைக்கு அரசாங்கத்தை நம்பி முறையிட்டால் அரசாங்கம் நமது சொத்தை துண்டாட முயல்கிறது.இந்த பிரச்சனை சுமுகமாக தீர்ப்பதற்கு அரசாங்கத்திற்கு எண்ணமில்லா பட்சத்தில் நமது இந்தியர்களின் உணர்ச்சியை தூண்ட வழிசெய்கிறது தேசிய முன்னணி.

இவ்வகையில் மக்கள், தேசிய முன்னணியின் அராஜகத்தையும் உணர்வற்ற செயலையும் வெறுக்கும் நிலை கூடிய விரைவில் நடைபெறும் சாத்தியம் உண்டு என்பதனை இதன் வழி அறிய முடிகிறது.

சுற்று வட்டார இந்திய மக்கள்கள் இந்நிலத்தை அவர்களின் தனிப்பட்ட சொத்தாக நினைக்கும் காரணத்தில் இந்த நிலத்தை கைமாற்றும் முயற்சியை மத்திய அரசாங்கம் உடனடியாக கைவிடவேண்டும். அன்றைய காலங்களில் நமது மூதாதையர்கள் வாங்கிய சொத்து இன்று நமது இந்தியர்களின் சின்னமாக விளங்கும் இந்நிலத்தை "லிட்டில் இந்தியா" என்று அரசாங்கம் பிரகடனம் செய்தல் வேண்டும்.

அதன் தொடர்பில் கீழ்வரும் தீர்மானங்கள் மத்திய அரசாங்கத்தின் கவனத்திர்க்கு :

டிண்டிங்ஸ் இந்திய சங்கத்திற்கு சொந்தமான 2ஹெக்டர் நில விவகார கூட்டம் நேற்று சித்தியவான் காந்தி மண்டபத்தில் நடைபெற்றது. சித்தியவான் இந்திய மக்களுடன் கலந்தலோசித்தப் பிறகு கீழ்வரும் தீர்மானங்கள் ஒருமனதாக ஏற்றுக்கொள்ளப்பட்டது.

 

தீர்மானம் : இந்த தீர்மானத்தை ஒரு முன்னோடியாகவும், இந்திய மக்களின் ஒற்றுமையின் குரலாகவும் கருதி கீழ்வரும் அணைத்து தீர்மானங்களையும் மத்திய அரசாங்கம் அங்கீகரித்தல் வேண்டும்.

1. 2 ஹெக்டர் பரப்பளவு கொண்ட டிண்டிங்ஸ் இந்தியர் சங்க நிலம் எங்களின் மூதாதையர்கள் தொட்ட தொழிலாளர்களாக உழைத்த வியர்வையின் பணத்தில் வாங்கப்பட்டவையாகும். இந்நிலத்திற்கு பல இன மக்களின் ஆதரவும் கொடையாளர்களின் பங்கும் அளப்பரியது. எந்த ஒரு காரணத்தினால் இந்நிலத்தை மத்திய அரசாங்கம் இந்தியர்களின் சிறப்பு அம்சம் கொண்ட நிலமாக கருதி அதனை கைப்பற்ற முயற்சியை கைவிடுதல் வேண்டும்.

2. மத்திய அரசாங்கம் மிகவும் உன்னிப்பாக இந்நிலத்தின் சரித்திர அம்சங்களை கவனித்தால், இந்தியர்களின் ஒற்றுமையில் இந்தனை காலம் பராமரித்த இந்த நிலத்தின் மாண்பை அறியவாய்ப்புண்டு. இந்நிலத்தைஅபகரிக்கும் திட்டத்தில் விருப்பம் தெரிவித்த மத்திய அரசாகத்தின் நிலைபாட்டினை சித்தியவான் வட்டாரத்தில் வாழக்கூடிய இன்றைய இந்திய சங்கதியினர் முற்றாக எதிர்க்கும் பட்சத்தில் அத்திடத்தை கைவிடுதல் வேண்டும். இந்தியர்களின் உணர்வுக்கு எதிர்மறையாக செயல்பட எண்ணம் கொண்டிருந்தாள் அவை சித்தியவான் வாழ் இந்தியர்களின் வளர்ச்சிக்கும் வருங்காலா சங்கதியினருக்கும் அச்சுறுத்தும் திட்டமாக வகை செய்யும் என்பதனை அறிதல் வேண்டும்.

3. இந்நாட்டு அங்கிகாரப்பெற்ற குடிமக்களாக இருந்த பொழுதும் இந்தியர்களுக்கென்று சிறப்புரிமை வழங்கப்படாத பட்சத்தில் சித்தியவான் வாழ் இந்திய மக்களின் பாரம்பரிய சொத்தாக விளங்கும் டிண்டிங்ஸ் இந்தியர் சங்க நிலத்தை மத்திய அரசாங்கம் பாதுகாத்து அதற்க்கு இந்திய பாரம்பரிய நிலம் என்று ஆணை பிறப்பித்தல் வேண்டும்.

4. மத்திய மற்றும் மாநில அரசாங்கம் இரண்டும் ஒன்றிணைத்து இந்தியர்களின் சொத்துடமையை பாதிக்கும் அளவிற்கு எந்த ஒரு நிலத்தையும் அபகரிக்காமல் இருக்க உறுதிசெய்தல் வேண்டும். இந்திய சொத்துடமை வளர்ச்சி எட்டா கனியாக இருக்கும் பட்சத்தில் இந்நிலைக்கு அரசாங்கமே முழுமையான காரணம் என்ற கூற்றை ஏற்றுக்கொள்ளல் வேண்டும்.

 

5. இனிவருங்காலங்களில் இது போன்ற இந்தியர்களின் சொத்து அபகரித்தல் முற்றாக தடைசெய்யும் வகையில், 50 வருடங்களுக்கு மேலான நிலத்தை இந்தியர்களின் சின்னமாகவும் மற்றும் இந்தியர்களின் பாரம்பரிய நிலமாகவும் உடனடி அங்கிகாரம் வகைசெய்யும் சட்ட மசோதா நிறைவேற்றல் வேண்டும்.ஆகவே இது போன்ற செயல்கள் கண்டத்திர்க்குரியவை.மேலும் இச்செயல் தொடர்ந்தாள் அவை இந்தியகளுக்கு துரோகம் விளைவிக்கும் செயலாக கருதப்படும்.

6. இறுதியாக, டிண்டிங்ஸ் இந்திய சங்க நிலத்தை இங்கிருக்கும் இந்திய மக்களின் விலை மதிக்க முடியாத சொத்தாக கருதி இந்நிலத்தை " சித்தியவான் லிட்டில் இந்தியாகவாக" பிரகடனம் செய்தல் வேண்டும் என்ற கோரிக்கையை ஒற்றுமையுடன் சமர்பிக்கிறோம்.